काठमाडाैँ । सरकारले विद्युत वितरण तथा प्रसारण लाइन निर्माणमा निजी क्षेत्रकाे सहभागिता गराउने घाेषणा गरेकाे छ । मंगलबार आव २०८१/०८२ को बजेट भाषण गर्दै अर्थमन्त्री वर्षमान पुनले यस्ताे जानकारी दिएका हुन् ।
उनले बिजुली बिक्री वितरणमा निजी क्षेत्रको पनि संलग्नता हुने बताएका हुन् । अहिले नेपाल विद्युत प्राधिकरणले मात्रै बिजुलीको बिक्री वतरण गर्दै आएको छ ।
४०० केभी क्षमताको ढल्केबर इनरुवा, बाह्रबिसे खिम्ती लप्सीफेदी प्रसारण लाइनको निर्माण सम्म गरिने भएको छ । सेती, भेरी बुढीगण्डकी कोरिडोर प्रसारण लाइन निर्माण सुरु गर्ने सरकारी लक्ष्य छ ।
यसैगरी, ४०० केभी क्षमताको न्यू बुटवल गोरखपुर अन्तरदेशिया प्रसारण लाइन निर्माण सम्पन्न गर्ने गर्ने सरकारको लक्ष्य छ । इनरुवा पुर्णिया, दोधारा बरेली लाइन निर्माणका लागि आवश्यक अवस्था गरिएको छ । प्रसारण लाइनको राइट अफ वे का लागि आवश्यक पर्ने जग्गा प्राप्तिका लागि जग्गा धनीलाई सेयर दिने व्यवस्था समेत बजेटले गरेको छ ।
यस क्षेत्रको विकासका लागि ५० अर्ब ७४ करोड विनियोजन भएकाे छ।
