काठमाडाैँ । अविरल वर्षाले कुलेखानी जशालयमा पानीकाे सतह उच्च रहेकाे छ । नेपाल विद्युत् प्राधिकरणले कुलेखानी जलाशय भरिएर पानी बग्न सक्ने भन्दै मुख्य बाँधको ढोकाहरू पनि खोल्नुपर्ने स्थिति आउन सक्ने जानकारी दिएकाे छ ।
बाँधकाे ढाेकाल जतिसुकै बेला खाेलिने हुँदा खोलाको बहाव बढ्न गई तटीय क्षेत्रमा कुनै पनि समयमा डुबानमा पर्ने सम्भावना रहेको जनाउँदै स्थानीयहरूलाई समयमै सुरक्षित रहन तथा उच्च सतर्कता अपनाउन अनुरोध गरेको छ ।
सूचनामा कुलेखानी ड्याममा पानीको सतह बढ्ने र मुख्य ड्यामको ढोका खोल्दा बागमती खोलाको बहाब बढ्न गई तटीय क्षेत्रमा कुनै पनि वेला डुबान हुनसक्ने सम्भावना रहेको जनाइएको छ ।
प्राधिकरणको कुलेखानी प्रथम जलविद्युत् केन्द्रले आज जिल्ला प्रशासन कार्यालय, मकवानपुरलाई चिठी लेख्दै यस्तो अनुरोध गरेको हो ।
