माई खोलाद्वारा हकप्रद निष्काशन अनुमति माग

काठमाडाैँ । माई खोला हाइड्रो पावर लिमिटेडले हकप्रद निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले १:१ को अनुपातमा शतप्रतिशत हकप्रद निष्काशनको लागि अनुमति मागेको हो ।

कम्पनीले जेठ ९ गते बोर्डमा आवेदन दिएको हो । हाल कम्पनीको चुक्ता पुँजी ३९ करोड २१ लाख ५६ हजार ८ सय रुपैयाँ रहेको छ । कम्पनीले ३९ लाख २१ हजार ५ सय ६८ कित्ता हकप्रद निष्काशनको लागि अनुमति माग गरेको हो ।