Tuesday, May 21, 2024
spot_img

लोडसेडिङको समस्या समाधान गर्न २२०० मेगावाटका सौर्य ऊर्जाकाे निर्माण प्रक्रिया अघि बढ्याेः घिसिङ

spot_img

Share

spot_img

नेपाल विद्युत् प्राधिकरणका कार्यकारी निर्देशक कुलमान घिसिङले लोडसेडिङको समस्या समाधान गर्न २ हजारदेखि २२०० मेगावाटसम्मका सौर्य आयोजनाको निर्माण प्रक्रिया अघि बढाएको बताएका छन् । वीरगन्जमा आयोजना गरेको ‘वीरगन्जको वाणी’ को पहिलो सत्र ‘उद्योग र व्यापार, खोई पूर्वाधार ?’ सत्रमा बोल्दै उनले यस्तो बताएका हुन् ।

उनले लोडसेडिङको समस्या एक महिनाभित्रै अन्त्य हुने बताउँदै लोडसेडिङले उद्योगलाई हतोत्साहित नहुन आग्रह गरे । अहिलेको समस्या भनेको तत्कालको लागि मात्रै भएको जानकारी दिँदै यो समस्या एक महिनाभित्र समाधान हुने दाबी गरे ।

‘भारतमा भएको चुनावका कारण दिउँसो मात्रै विद्युत् आयात भइरहेको छ । राति आयात नहुँदा लोडसेडिङ भएकाे हो,’ उनले भने, ‘अहिले दिउँसो १२ घण्टा विद्युत् आयात गरेका छौ । राति १२ बजेपछि विहान ६ बजेसम्म विद्युत् आयात गर्न प्रयास गर्दैछाैँ, त्यसपछि अवस्था सहज हुनेछ ।’

‘हाम्रो उत्पादन बढीरहेको छ, वार्षिक रूपमा ७/८ सय मेगावाट विद्युत् प्रणालीमा थपिँदै छन्, यो आर्थिक वर्षभित्र करिब ६०० मेगावाट विद्युत् प्रणालीमा थपिँदै छ,’ उनले भने, ‘सोलार प्लान्ट पनि थप्दैछौँ, एक महिनापछि बढी भएको विद्युत् कसरी खपत गर्ने र निर्यात कसरी गर्ने भन्ने अवस्था आउन सक्छ ।’

प्राधिकरणले सौर्य ऊर्जाको विडिङ प्रक्रिया खुल्ला गरिसकेको छ । वीरगन्जमा मात्रै २०० मेगावटको विड गरेकाे घिसिङले जानकारी दिए । वीरगन्ज क्षेत्रमा भोल्टेजको समस्या भएको र त्यस क्षेत्रमा आफ्नै उत्पादन नभएको जानकारी दिँदै त्यस क्षेत्रकाका लागि सोलार प्लान्ट आवश्यक रहेको बताए । सौर्य ऊर्जा निर्माण सुरु भएको एकदेखि दुई वर्षभित्र सम्पन्न हुन्छ ।

spot_img
ऊर्जा संचार
ऊर्जा संचार
यसले ऊर्जा सम्बन्धी खोजमूलक लेख, रचना प्रकाशन र श्रव्य, दृश्य सामाग्रीहरू तयार गरी प्रसारण गर्छ । साथै, ऊर्जा विकासका लागि नीतिगत पहल गर्ने, सम्बन्धित निकायलाई खबरदारी गर्ने ऊर्जा संचारको मुख्य उद्देश्य हो ।
spot_img

सम्बन्धित समाचार

spot_img
spot_img

सम्बन्धित समाचार

spot_img