काठमाडौँ । सरकारले ४०० केभी क्षमताका दुई अन्तरदेशीय प्रसारण लाइन निर्माण प्रक्रिया अघि बढाएको छ । सरकारले ४०० केभी क्षमताको इनरुवा–पुर्णिया र दोदोधारा–बरेली लाइन निर्माण प्रक्रिया अघि बढाएको हो ।
मन्त्रिपरिषद्को असोज ३० गते बसेको बैंठकले आयोजना निर्माणका लागि कम्पनी स्थापना गर्न र लगानी गर्न स्वीकृति दिएको छ । नेपाल विद्युत् प्राधिकरण र भारतको पावर ग्रिड कर्पोरेशन अफ इन्डिया लिमिटेडको संयुक्त लगानीमा कम्पनी स्थापना हुने भएको छ ।
अन्तरदेशीय प्रसारण लाइन निर्माणका लागि नेपाल र भारत दुवै भुमिमा दुईवटा संयुक्त कम्पनी स्थापना गर्ने निर्णय भएको छ । उक्त कम्पनीमा प्राधिकरणलाई एक अर्ब रुपैयाँ र दुई अर्ब रुपैयाँ बराबरको स्वपुँजी लगानी गर्न मन्त्रिपरिषद्को बैंठकले स्वीकृति दिएको छ ।
