काठमाडाैँ । अप्पर लोहोरे खोला हाइड्राे पावर कम्पनी लिमिटेडले वार्षिक साधारण सभा बोलाएको छ । कम्पनीले हकप्रद सेयर निष्काशन गर्ने प्रस्ताव सहित तेस्रो, चौथो तथा पाँचौँ वार्षिक साधारणसभा बाेलाएकाे हाे ।
कम्पनीले हाल कायम चुक्ता पुँजीको १५० प्रतिशत (१ः१.५ अनुपातमा) हकप्रद सेयर जारी गर्ने भएको छ । कम्पनीको पुस ३० गते हुने साधारण सभाबाट हकप्रद सेयर निष्काशन गर्ने प्रस्ताव पारित भएपछि जारी गरिने छ ।
सभामा प्रस्तुत हुने मुख्य एजेन्डामध्ये अघिल्लो आर्थिक वर्षका वित्तीय प्रतिवेदन अनुमोदन, लेखापरीक्षक नियुक्ति/पुनःनियुक्ति तथा पारिश्रमिक निर्धारण, कम्पनीको सञ्चालन तथा योजना सम्बन्धी प्रतिवेदनमाथि छलफल गरी पारित गर्ने प्रस्ताव समावेश गरिएको छ ।
