काठमाडाैँ । आगामी भदाै ३ गतेदेखि सुरु हुने नाडा अटो शो २०२५ काे उद्घाटन प्रधानमन्त्री केपी शर्मा ओलीले गर्ने भएका छ्न् । याे शाे ८ गतेसम्म चल्नेछ । नाडाका अध्यक्ष करण चौधरीको नेतृत्वमा गएको एक प्रतिनिधी मण्डलले प्रधानमन्त्री ओलीसँग भेटगरी अटो शो मा प्रमुख अतिथिको रुपमा उद्घाटन गरी दिन औपचारिक रुपमा आग्रह गरेको हाे ।
उक्त भेटघाटमा अध्यक्ष चौधरीले नाडा स्थापनाको ५० औं वार्षिक उत्सव मनाउने क्रममा रहेको र नाडाले १७ औं संस्करणको नाडा अटो शो २०२५ आयोजना गर्न लागेको जानकारी दिए ।
अटो शोमा १२५ भन्दा बढी प्रदर्शक, ३० भन्दा बढी सवारी साधनका ब्रान्डहरू, इलेक्ट्रिक, हाइब्रिड र स्मार्ट मोबिलिटी समाधानहरू र विन्टेज मोटर शो हुनेछन् । पहिलोपटक नेपालमा प्रदर्शन हुँदै गरेका यूनीट्री रोबोट्स् र दिपाल इभटिोल यूएभी जस्ता आकर्षक र भविष्य उन्मुख प्रविधिहरू प्रदर्शनीको केन्द्रविन्दु हुने जानकारी दिए ।
