काठमाडाैँ । झापा इनर्जी लिमिटेडले सर्वसाधारणका लागि सेयर निष्कासन गरेको छ । कम्पनीले शुक्रबारदेखि सेयर आवेदन खुला गरेकाे हाे ।
कम्पनीले ४ लाख ७३ हजार ३३६ कित्ता सेयर सर्वसाधारणका लागि छुट्याइएको छ । यसअघि आयोजना प्रभावित स्थानीयवासी तथा वैदेशिक रोजगारीमा रहेका नेपालीलाई बाँडफाँट भइसकेको छ । कम्पनीको कुल जारी पूँजी ३८ करोड १ लाख ९० हजार रुपैयाँ रहेको छ ।
कम्पनीकाे सेयर निष्कासन गरी बाँडफाँड गर्न हिमालयन क्यापिटल लिमिटेड बिक्री प्रबन्धक रहेकाे छ । सर्वसाधारणले न्यूनतम १० कित्ता र अधिकतम ५ हजार कित्तासम्म आवेदन दिन सकिनेछ । यसमा भदौ २४ गतेसम्म आवेदन दिन सकिनेछ ।
कम्पनीले झापाको शिवसताक्षी नगरपालिकामा १० मेगावाट क्षमताको सौर्य विद्युत् आयोजना निर्माण गरेको छ ।
