सहसचिव चिरञ्जीवी चटौत सचिवमा बढुवा, ऊर्जा मन्त्रालयमा पदस्थापना

काठमाडाैँ । ऊर्जा, जलस्रोत तथा सिँचाइ मन्त्रालयका सहसचिव चिरञ्जीवी चटौत सचिवमा बढुवा भएका छन् । सरकारले लोक सेवा आयोगको सिफारिसमा सचिवमा बढुवा भएका सहसचिव चटौतलाई ऊर्जा मन्त्रालयमा पदस्थापना गरेको छ ।

बिहीबार साँझ बसेको मन्त्रिपरिषद् बैठकले उनलाई बढुवा गर्ने निर्णय गरेको हो । ऊर्जा मन्त्रालयमै सहसचिव रहेका चटौतलाई ऊर्जा सचिवको जिम्मेवारी दिइएको छ ।