काठमाडाैँ । कम्पनी प्राइम पावर लिमिटेडले ८.६ किलाेमिटर लामाे ३३ केभी डबल सर्किट प्रसारण लाइन निर्माण गर्ने भएकाे छ । कम्पनीले कपिलवस्तुको शिवराज नगरपालिका–८ मा निर्माणाधीन कपिलवस्तु सौर्य विद्युत् आयोजनाबाट उत्पादीत ३० मेगावाट विद्युत प्रवाह गर्न याे लाइन निर्माण गर्न लागेकाे हाे ।
आयोजनाले प्रस्तावित स्विचयार्डदेखि नेपाल विद्युत् प्राधिकरणको शिवपुर (चनौटा) सबस्टेसनसम्म लाइन निर्माण गर्न लागेकाे छ । कम्पनीले लाइन निर्माण गर्न अनुमतिपत्रका लागि प्रक्रिया अघि बढाएको छ ।
प्रसारण लाइनको निर्माण ९ महिनाभित्र सम्पन्न गर्ने लक्ष्य राखिएको छ । प्रसारण लाइन आयोजना अन्तर्गत १९९ वटा स्टिल टुबुलर पोलहरू निर्माण गरिने छन् । पोलको अधिकतम उचाइ १५ मिटर र पोलबीचको औसत दूरी ४३.९ मिटर रहने छ ।
