काठमाडाैँ । ङादी ग्रुप पावर लिमिटेडले १ अर्ब ८५ कराेड रुपैयाँ बराबरकाे हकप्रद सेयर निष्काशन गर्न अनुमति पाएको छ । नेपाल धितोपत्र बोर्डले मङ्सिर ९ गते कम्पनीलाई हकप्रद निष्काशनको अनुमति प्रदान गरेको हो ।
बाेर्डले १ अर्ब ८५ करोड १२ लाख ७९ हजार २२२ रुपैयाँ बराबरको १ करोड ८५ लाख १२ हजार ७ सय ९२ दशमलव २२५ कित्ता हकप्रद सेयर निष्काशन गर्न अनुमति दिएकाे कम्पनीले जानकारी दिएकाे छ ।
कम्पनीले १:१ को अनुपातमा शतप्रतिशतले हुन आउने हकप्रद निष्काशन गर्न पाएकाे छ । कम्पनीले हकप्रद निष्काशनको लागि सिद्धार्थ क्यापिटललाई बिक्री प्रबन्धक चयन गरेको छ ।
कम्पनीले लमजुङमा ४.९५ मेगावाटको सिउरी खोला जलविद्युत् आयोजना निर्माण सम्पन्न गरी सञ्चालन गरिरहेको छ । आयोजनाले २०६९ साल असोज ३० गतेदेखि निरन्तर विद्युत् उत्पादन गरिरहेको छ ।
