काठमाडाैँ । हाइड्रोइलेक्ट्रीसीटी इन्भेष्टमेन्ट एण्ड डेभलपमेन्ट कम्पनी (एचआइडिसिएल) ले ३.५ प्रतिशत लाभांश वितरण गर्ने प्रस्ताव गरेको छ । कम्पनीको मङ्सिर २६ गते बसेको सञ्चालक समितिको बैठकले आर्थिक वर्ष २०८१/८२ को मुनाफाबाट १.५ प्रतिशत बोनस शेयर र कर प्रयोजनसहित २ प्रतिशत नगद लाभांश दिने निर्णय गरेको हो ।
कम्पनीले पुस २१ गते साधारणसभा गर्ने भएको छ । साधारणसभाका लागि पुस ८ गते बुक क्लोज हुनेछ । पुस ७ गतेसम्म कायम शेयरधनीले मात्र साधारणसभामा भाग लिन र प्रस्तावित लाभांश पाउनेछन् ।
प्रस्तावित लाभांश नेपाल सरकारको स्वीकृति र साधारणसभाबाट पारित भएपछि वितरण हुनेछ ।
