काठमाडौँ । सुपर माई हाइड्रो पावर लिमिटेडको १०औं वार्षिक साधारणसभा सम्पन्न भएको छ । कम्पनीको मंसिर २८ गते सभा सम्पन्न भएको हो ।
सभाले आर्थिक वर्ष (आव) २०८०/८१ सेयरधनी सदस्यहरुका लागि ५.३६१ प्रतिशत नगद लाभांस र ७ प्रतिशत बोनस सेयर वितरण गर्ने प्रस्ताव पारित गरेको छ । २०८०/८१ सम्मको संचित मुनाफाबाट सेयरधनीहरूलाई चुक्ता पुँजीको ५.६३१ प्रतिशतले हुने २ करोड ८१ लाख ५७ हजार ८९४ नगद लाभांश वितरण गर्ने प्रस्ताव स्वीकृत गरेको छ ।
यसैगरी, चुक्ता पुँजीको ७ पतिशत अर्थात ३ लाख ५० हजार सेयर कित्ताको प्रतिकित्ता १०० रुपैयाँका दरले ३ करोड ५० लाख रुपैयाँ बोनस सेयर वितरण गर्ने प्रस्ताव पारित गरेको छ । आगामी वर्षहरूमा पनि सेयरधनीहरूलाई प्रतिफल दिई रहने कम्पनीले जानकारी दिएको छ ।
कम्पनीले विद्युत् बिक्री वापत भएको नाफाबाट सेयर धनी सदस्यहरूलाई बोनस सेयर र नगद लाभांश वितरण गरेको हो । कम्पनीले आव २०८०/८१ मा ७ करोड ३ लाख ३ हजार ६९० रुपैयाँ नाफा कमाएको कम्पनीका अध्यक्ष अशोककुमार खड्काले बताए ।
उनले कम्पनीलाई यो अवधिसम्म आइपुग्न सहयोग तथा विश्वास गर्ने सहकर्मी, सेयरधनी, सञ्चालक, बैंक तथा वित्तीय संस्था, राजनीतिक दल लगायत सबैलाई आभार व्यक्त गरे ।
