काठमाडौँ । नेपाल विद्युत् प्राधिकरण बोदेबरसाईन वितरण केन्द्रले लक्ष्मीपूर सुरुङ्गा फ्युज सेवा तथा महसुल संकलन काउन्टर सञ्चालनमा ल्याएको छ । मधेश प्रादेशिक कार्यालय प्रमुख शम्भु कुसियैत यादवको प्रमुख अथित्यतामा फ्युज सेवा तथा महसुल काउन्टरको उद्घाटन सम्पन्न भएको छ ।
ग्राहकहरूलाई प्रवाह गरिने सेवालाई थप गुणस्तर, पारदर्शी र दिर्घकालीन बनाउने यो काउन्टर सञ्चालनमा ल्याइएको केन्द्रका प्रमुख ई.संयोग विश्वकर्माले बताए । उनका अनुसार कार्यालय सञ्चालनका लागि सुरुङ्गा नगरपालिकाले निशुल्क भवन उपलब्ध गराएको छ ।
काउन्टर सञ्चालनमा आएसँगै नगरपालिकाका वडा नम्बर १, २, ३, ४, ५ र ७ का १० हजार बढी ग्राहक लाभान्वित हुनेछन् । यहाँबाट ग्राहकहरूले विद्युतको महसुल बुझाउने, फ्युज लगायतका सेवाहरू लिन सक्नेछन् ।
