काठमाडाैँ । नेपाल विद्युत प्राधिकरणले आज जारी गर्न लागेको श्वेतपत्र अनिश्चितकालका लागि स्थगित गरेको छ । प्राधिकरणको वर्तमान स्थिती देखाउनका लागि जारी गर्न लागेको श्वेतपत्र आज सार्वजनिक नहुने भएको छ ।
प्राधिकरणले प्राविधिक कारण देखाउँदै श्वेतपत्र आज जारी नहुने सूचना दिएको छ । ‘अर्को सूचना नआउँदासम्मको लागि नेपाल विद्युत प्राधिकरणको कार्यकारी निर्देशक ज्यूबाट श्वेतपत्र जारी गर्ने कार्यक्रम केहि प्राविधिक कारणले गर्दा स्थगित गरिएको व्यहोरा अनुरोध छ’ सूचनामा लेखिएको छ ।
वित्तीय अपारदर्शिता र क्यासफ्लोबारे उठेका प्रश्नहरूलाई सम्बोधन गर्न प्राधिकरणले श्वेतपत्र जारी गर्ने तयारी गरेको छ । श्वेतपत्रमा घिसिङको कार्यकाल, देखाइएको नाफा, खर्चको वास्तविकता र प्राधिकरणको हालको आर्थिक अवस्था समेटिने बताइएको थियो ।
