काठमाडाैँ । संखुवासभामा निर्माणाधीन ९०० मेगावाटकाे अरुण-३ जलविद्युत् आयोजनाको काम ७५ प्रतिशत सकिएको छ । एसजेभिएन अरुण-३ पावर डेभलपमेन्ट कम्पनीले निर्माण गरिरहेको आयोजनाको काम अन्तिम चरणमा पुगेकाे हाे ।
आयोजनाको बाँध मकालु गाउँपालिकाको वडा नम्बर ३ र ५ तथा विद्युतगृह चिचिला गाउँपालिकाको वडा नम्बर ३ मा रहेको छ । विद्युतगृहमा २२५ मेगावाट क्षमताका ४ वटा टवाईन जडान गरिनेछ । आयोजनाको ११.७८ किलोमिटर लामो सुरुङ खन्ने काम सकिएको हो । नेपालमा निर्माणाधीनमध्ये यो सबैभन्दा ठूलो आयोजना हो ।
आयोजनाबाट उत्पादित विद्युतको पिकिङ (पूर्ण क्षमतामा चल्ने घण्टा) ३.४० घण्टा प्रतिदिन रहेको छ । आयोजना निर्माणपूर्व अधिग्रहण भएको जग्गा सार्वजनिक जग्गा १२५ हेक्टर र निजी जग्गा ५० हेक्टर रहेको छ ।
निर्माणाधीन अरुणकाे संरचनाहरूकाे फाेटाेः
