काठमाडाैँ । हुन्डाई सवारीसाधनको एकमात्र आधिकारिक वितरक लक्ष्मी इन्टरकन्टिनेन्टल प्रालिले चितवनको भरतपुरमा नयाँ क्रेटा ईभी सार्वजनिक गरेको छ । कम्पनीले भरतपुरस्थित आफ्नो आधिकारिक डिलर ‘अप्नो कलेज ट्रेडिङ प्रालि’ मा आयोजना गरेको विशेष अन्तरक्रिया कार्यक्रममा उक्त विद्युतीय गाडी सार्वजनिक गरिएको हो ।
कार्यक्रमको विशेषता स्वरूप, कम्पनीले कार्यक्रम स्थलमै ५ जना ग्राहकलाई नयाँ क्रेटा ईभी सिधै हस्तान्तरण समेत गर्यो । लक्ष्मी हुन्डाईले विद्युतीय सवारी प्रणालीलाई अझ मजबुत बनाउन चार्जिङ नेटवर्क विस्तार गर्दै आएको जनाएको छ । हालसम्म देशभर ६६ वटा डीसी र एसी चार्जिङ स्टेसन सञ्चालनमा आइसकेका छन्।
