दोलखाको जिरी नगरपालिका–९ बसेरीस्थित झाँक्रे खोला जलविद्युत परियोजनामा वर्षासँगै आएको पहिरोले टर्बाइनमा क्षति पुर्याएको छ। ६३५ किलोवाट क्षमताको पावर प्लान्टको एक भाग पुरिँदा टर्बाइनमा क्षति पुर्याएकाे छ ।
पहिराेले जलविद्युतकाे टर्वाइन बिग्रीएकाे जिल्ला प्रहरी प्रमुख ज्ञानकुमार महतोले जानकारी दिए । पहिरो पन्छाउने कार्य खिम्ती ग्रामीण विद्युत सहकारी संस्था (केआरईसी) ले स्काभेटरमार्फत गरिरहेको छ ।
पहिले नै उपकरणमा समस्या आएर गत फागुनदेखि बन्द रहेको विद्युत उत्पादनमा पहिरोले थप क्षति पुर्याएको हो । विद्युत अवरुद्ध भएपछि केआरईसीले हाल ४०० किलोवाट क्षमताको हलुवा खोलाबाट उत्पादित बिजुली वितरण गरिरहेको छ ।
