काठमाडौँ । जिल्ला प्रशासन कार्यालय, लमजुङले विभिन्न नदी तथा कोरिडोरमा पानीको बहाव र बाढी पहिरोजन्य विपदको जोखिम रहेकोले उच्च सर्तकता अपनाउन अनुरोध गरेको छ ।
मर्स्याङ्दी, दोर्दी, ङादी, रुदी, चेपे, मादी, मिदिम लगायतका खोला कोरिडोरमा रहेका विद्युत् आयोजना र वरीपरी रहेको सर्वसाधारणलाई उच्च सर्तकता अपनाउन आवश्यक रहेको जनाएको छ ।
कार्यालयले जलविद्युत् आयोजनालाई पानीको बहाव, सम्भावित बाढी पहिरो जोखिम लगायतका विषयमा आम नागरीकलाई पर्याप्त सूचना दिन र आपतकालीन जानकारीको लागि साइनको व्यवस्था गर्न अनुरोध गरेको छ ।
यसैगरी, विपद आइपरेमा हेभि उपकरण लगायत उद्धारमा प्रयोग हुने समान र जनशक्ति तयारी अवस्थामा राख्न समेत अनुरोध गरेको छ ।
