काठमाडाैँ । टाटा मोटर्सको नेपालस्थित आधिकारिक विक्रेता सिप्रदी ट्रेडिङ प्रालिले पन्च इभी नेपाली बजारमा सार्वजनिक गरेको छ । राजधानीको भृकुटी मण्डपमा भइरहेकाे १६औं टाटा ‘इभी नाडा अटो सो २०२४’ मा पन्च इभीको विक्री वितरण सुरु भएकाे हाे ।
कम्पनीले गाडी सार्वजनिक गरेसँगै शाे मा गाडी किन्दा ८ वर्षसम्म ‘चार्जिङ फि’ नलाग्ने याेजना समेत सार्वजनिक गरेकाे छ ।
‘नाडा अटो शो’ मा गाडी किन्दा ८ वर्षसम्म निशुल्क चार्ज गर्न सकिनेछ । पन्च इभी खरिद गर्ने ग्राहकहरूले टाटाको नेटवर्कमा रहेका सम्पूर्ण चार्जिङ स्टेसनमा निशुल्क चार्ज गर्न सक्नेछन् ।
यो सवारीको मूल्य ३३ लाख ९९ हजार देखि ३८ लाख ९९ हजार रुपैयाँसम्म तोकिएको छ । कम्पनीले यो पन्च इभी मंगलबार सार्वजनिक गरेको हो ।
