काठमाडाैँ । चितवनका विभिन्न स्थानमा विद्युत आपूर्तिमा देखिएको समस्याबारेमा जानकारी लिन नेपाल विद्युत प्राधिकरणका कार्यकारी निर्देशक हितेन्द्रदेव शाक्य चितवन पुगेका छन् । शाक्य वितरण तथा ग्राहक सेवा निर्देशनालयका उपकार्यकारी निर्देशक दिर्धायुकुमार श्रेष्ठ लगायतको टोलीसहित भरतपुर पुगेका हुन् ।
विद्युत प्राधिकरणको चनौली सबस्टेशनले लाइन कटौती गरेको सूचना जारी गरेपछि लाेडसेडिङ् सुरू भएकाे भन्दै आलोचना भएपछि शाक्य आफैं चितवन पुगेका हुन् । केन्द्रले आफ्नो आन्तरिक लोड व्यवस्थापनका गर्न एक दिनको लागि अत्यावश्यक मर्मत कार्य गर्न लोड व्यवस्थापन तालिका निकालेकाे थियाे ।
त्यसैतालिकालाइ लिएर अतिरञ्जित तरिकाबाट आम उपभोक्ताहरुमा भ्रम श्रृजना भइरहेकाेले शाक्य खुद उक्त क्षेत्रमा अत्याधिक लोडको कारण सिर्जित समस्या समाधानका लागि भरतपुरस्थित स्वस्टेशन लगायत वितरण केन्द्रहरुबाट विद्युतीय संरचनाहरुमा भइरहेको मर्मत तथा निर्माण कार्य निरिक्षण अलोकन गर्न पुगेका हुन् ।
