काठमाडाैँ । रसुवागढी हाइड्रो पावर कम्पनी लिमिटेडको प्रमुख कार्यकारी अधिकृतमा सत्यराम ज्याख्वा नियुक्त भएका छन् । कम्पनीले निर्माण गरी सञ्चालनमा ल्याएकाे १११ मेगावाटको रसुवागढी जलविद्युत् केन्द्र प्रमुखको रूपमा कार्यरत ज्याख्वा कम्पनीका प्रमुख कार्यकारी अधिकृतमा नियुक्त भएका हुन् ।
असोज २ गते बिहीबार बसेको कम्पनी सञ्चालक समितिको बैठकले उनलाई प्रमुख कार्यकारी अधिकृतमा नियुक्त गर्ने निर्णय गरेको हो । उनलाई २०८३ साल असार मसान्तसम्मका लागि सो पदमा नियुक्त गरिएको छ ।
याे आयाेजनाले २०८१ पुस १६ गतेदेखि व्यापारिक रूपमा विद्युत् उत्पादन सुरु गरेको थियो ।
