काठमाडाैँ । नेपाल हाइड्रो डेभलपर लिमिटेडले २६ मेगावाटकाे माथिल्लाे खुदी जलविद्युत आयाेजनामा १० कराेड रुपैयाँ लगानी गर्ने भएकाे छ । कम्पनीले सुपर खुदी हाइड्रो पावर लिमीटेडद्वारा प्रवर्द्धित आयाेजनामा सेयर लगानी गर्ने भएको हाे ।
कम्पनी सञ्चालक समितिको बैठकले सुपर खुदी हाइड्रोपावरद्वारा प्रवर्द्धित माथिल्लो खुदी जलविद्युत आयोजना (२६ मे.वा.)मा अधिकतम १० करोड रुपैयाँ लगानी गर्ने निर्णय गरेको जनाइएकाे छ ।
यो निर्णयसँग अब कम्पनीले सुपर खुदी हाइड्रो पावरमा १०० रुपैयाँ अंकित दरका कुल १० लाख कित्ता शेयरसम्म लगानी गर्ने जनाइएकाे छ ।
