काठमाडाैँ । नेपाल विद्युत प्राधिकरण र काठमाडाैँ महानगरपालिकाले न्यूरोडमा फुटपाथ विस्तार र अव्यवस्थित तारहरूलाई भूमिगत गरेपछि न्यूराेड साच्चै सुन्दर देखिएकाे छ ।
फुटपाथ विस्तार गरेसँगै त्यहाँ अव्यवस्थित तारहरू र बिजुलीका पोलहरू हटाइएपछि यसकाे चर्चा बढ्दै गयाे । युराेपकाे झल्काे दिएकाे भन्दै न्यूराेड घुम्न जाने, फाेटाे खिच्ने, भिडियाे बनाउनेहरूकाे लर्काे लाग्याे । तर, प्राधिकरणले न्यूराेडकाे थाेरै अंशकाे मात्र तार व्यवस्थापन गरेकाे छ ।
काठमाडाैँ लगायतका मूख्य सहरका रहेकाे बिजुलीकाे खम्बाहरूमा तार गुजुल्टिएका छ्न् । इन्टरनेट सेवा प्रदायक संस्था तथा प्राधिकरणकाे वितरण लाइनले सडकछेउका खम्बामा टाँगिएका तारले सहरहरू कुरूप बनेको छ । व्यापारिक संस्थाहरूले तार नहटाउँदा दिनप्रतिदिन सहर फोहोर हुँदै गएको हो ।
नेपाल विद्युत् प्राधिकरणका खम्बामा केबुल र इन्टरनेट सेवा प्रदायकले तार टाँगेका छन् । तर कुनै पनि निकायले तार व्यवस्थित गरेका छैनन् । तारमाथि तार थपिँदा कतै गुजुल्टा परेका छन् त कतै तुर्लुङ्ग झुन्डिएका छन् ।
कतिपय सडकमा झुन्डिएका तारले पैदल यात्रीलाई पनि अवरोध हुँदै आएको छ । यस्ता तार भूमिगत रूपमा व्यस्थापन गर्ने भनिए पनि कार्यान्वयन हुन सकेको छैन ।
पछिल्लो समय प्राधिकरणले विद्युतीय तारहरू भूमिगत गर्ने कामलाई तिव्रता दिएको छ । प्राधिकरणले काठमाडौँ, पोखरा, भरतपुरजस्ता ठूला सहरमा तार भूमिगत गर्ने योजना सञ्चालन गरिरहेको छ ।
