काठमाडौँ । नेपालमा हालसम्म ३३ केभी र सो भन्दा माथिका क्षमताका ६ हजार ७७४ सर्किट किलोमिटर लामो प्रसारण लाइन निर्माण भइसकेको छ । आर्थिक सर्वेक्षण २०८१/८२ अनुसार २०८१ फागुनसम्म लाइन निर्माण भएको हो ।
२०८१ असारसम्म ३३ केभी र सो भन्दा माथिको ६ हजार ४६२ सर्किट किलोमिटर लाइन निर्माण भएकोमा २०८१ असारसम्म ३१३ सर्किट किलोमिटर थप भएको हो ।
यसैगरी, ३३ केभी र सो भन्दा कम क्षमताका २ लाख १० हजार ३१७ सर्किट किलोमिटर लाइन निर्माण भएको छ ।
२०८१ असारसम्म वितरण लाइन (४००/२३० भोल्ट) १ लाख ५० हजार ४७७ सर्किट किलोमिटर रहेकोमा २०८१ फागुनसम्म १ लाख ५२ हजार ३१ सर्किट किलोमिटर निर्माण भइसकेको छ ।
लाइनको ४४६ आयोजना निर्माणका विभिन्न चरणमा
विद्युत् विकास विभागका अनुसार अहिले ४४६ प्रसारण लाइन आयोजना निर्माणका विभिन्न चरणमा छन् । विभागका अनुसार ३३ केभीदेखि ४०० केभी क्षमतासम्मका लाइनहरू निर्माणका विभिन्न चरणमा छन् ।
विभागको तथ्यांकअनुसार २७० प्रसारण लाइन आयोजनाले निर्माण अनुमति लिई निर्माणको विभिन्न प्रक्रियामा रहेका छन् । यसैगरी, १६ आयोजनाले भने निर्माण अनुमतिका लागि आवेदन दिएका छन् ।
१४१ प्रसारण लाइन परियोजनाले सर्भे लाइसेन्स लिई अध्ययन गरिरहेका छन् । बाँकी १९ आयोजनाले भने अध्ययन अनुमतिका लागि विभागमा आवेदन दिएका छन् ।
