काठमाडाैँ । कालिका पावर कम्पनी लिमिटेड (KPCL) ले १८औँ वार्षिक साधारण सभा पुस २८ गते सोमबार बिहान ११ बजे आयोजना गर्ने भएको छ ।
सभामा कम्पनीले हाल कायम चुक्ता पूँजीको ७ प्रतिशत बोनस शेयर तथा कर प्रयोजनार्थ ०.३६८४ प्रतिशत नगद लाभांश वितरण गर्ने प्रस्ताव पारित गर्नेछ । यसका साथै कम्पनीलाई भविष्यमा अन्य कम्पनीहरूमा लगानी गर्न सहज हुने गरी होल्डिङ कम्पनीको रूपमा विकास गर्न नाफा परिवर्तन (profit conversion) गर्ने प्रस्ताव, प्रबन्धपत्र तथा नियमावली संशोधन गर्न सञ्चालक समितिलाई अधिकार प्रदान गर्ने, चालु आर्थिक वर्षका लागि लेखापरीक्षक नियुक्त गर्ने लगायतका प्रस्तावहरू पनि सभामा पेश हुनेछन् ।
साधारण सभा तथा लाभांश वितरण प्रयोजनार्थ पुस १८ गते बुकक्लोज हुनेछ । पुस १७ गतेसम्म शेयरधनी कायम रहेकाहरूले सभा र लाभांशमा सहभागिता जनाउन सक्नेछन्।
