काठमाडौँ । वाटर इनर्जी सोलुसन लिमिटेडले सर्वसाधारणका लागि प्राथमिक शेयर (आईपीओ) निष्काशन गर्ने तयारी थालेको छ । कम्पनीले आईपीओ निष्काशन तथा बिक्री प्रबन्धकको रूपमा हिमालयन क्यापिटल लिमिटेडलाई नियुक्त गरेको छ ।
आईपीओ निष्काशन प्रक्रियासम्बन्धी सम्झौतामा वाटर इनर्जी सोलुसन लिमिटेड र हिमालयन क्यापिटल लिमिटेडबीच बिहीबार औपचारिक रूपमा हस्ताक्षर सम्पन्न भएको हो । सम्झौताअनुसार हिमालयन क्यापिटलले कम्पनीको साधारण शेयर सर्वसाधारणमा निष्काशन गर्न आवश्यक सम्पूर्ण प्रक्रिया व्यवस्थापन गर्नेछ ।
वाटर इनर्जी सोलुसन लिमिटेडले इलाम जिल्लामा ८.३ मेगावाट क्षमताको ‘अप्पर देउमाई खोला’ साना जलविद्युत आयोजना निर्माण गरिरहेकाे छ ।
