काठमाडाैँ । ऊर्जा, जलस्रोत तथा सिंचाइ मन्त्रालय अन्तर्गतको विद्युत विकास विभाग ५७ मेगावाट क्षमताकाे मुगु खाेला जलविद्युत् आयाेजनाकाे सर्वेक्षण अनुमति खारेज गरेकाे छ । विभागले वेस्टार इनर्जी प्रा.लि.लाई प्रदान गरिएको जलविद्युत् आयोजनाको सर्वेक्षण अनुमति खारेज गरेको हाे ।
कम्पनीलाई परियाेजनाकाे अध्ययन गर्न दिइएको सर्वेक्षण अनुमति रद्द गरेकाे विभागले जानकारी गराएको छ । विभागका अनुसार विद्युत् ऐन, २०४९ तथा विद्युत् नियमावली, २०५० को व्यवस्था बमोजिम प्रदान गरिएको अनुमति तोकिएको अवधि भित्र आवश्यक प्रक्रिया पूरा नभएकाले खारेज गरिएको उल्लेख छ ।
कम्पनीले सर्वेक्षण अनुमतिपत्रको म्याद तथा ५ वर्षकाे अवधिभित्र विस्तृत प्रगति देखाउन नसकेको तथा कानुनी प्रावधानअनुसार नवीकरण प्रक्रिया पूरा नगरेपछि अनुमति स्वतः रद्द गरिएको विभागले जनाएकाे छ ।
सर्वेक्षण अनुमति खारेज भएसँगै उक्त कम्पनीले प्रस्तावित आयोजनासम्बन्धी थप अध्ययन, प्राविधिक परीक्षण तथा अन्य तयारीका कार्य अघि बढाउन नपाउने भएको छ । ऊर्जा क्षेत्रमा पछिल्ला वर्षहरूमा सर्वेक्षण अनुमति लिएर पनि लामो समयसम्म आयोजना अगाडि नबढाउने प्रवृत्ति देखिएकाले विभागले कडाइ गर्न थालेको छ ।
