काठमाडौँ । साहस ऊर्जा कम्पनीले हकप्रद सेयर जारी गर्न पूर्वस्वीकृति पाएको छ । कम्पनीले विद्युत् नियमन आयोगबाट चुक्ता पूँजी बराबरको हकप्रद सेयर निष्काशन गर्न अनुमति पाएको हो ।
कम्पनीले हाल कायम चुक्ता पूँजी ४ अर्ब ५७ करोड ३८ लाख रुपैयाँ बराबरको १ः१ अनुपातमा हकप्रद सेयर जारी गर्ने तयारी गरेको छ । यसका लागि कम्पनीले गत चैत ९ गते आयोगमा निवेदन पेश गरेको थियो ।
हकप्रद सेयर बिक्रीबाट संकलन हुने रकम टाइम्स इनर्जी प्रालिले निर्माण अघि बढाएको ३४०.४२३ मेगावाट क्षमताको बुढीगण्डकी जलविद्युत् आयोजनामा लगानी गरिने कम्पनीले जनाएको छ ।
साहस ऊर्जाले सोलुखुम्बु जिल्लामा ८६ मेगावाट क्षमताको सोलु दूधकोसी जलविद्युत् आयोजना निर्माण सम्पन्न गरी हाल सञ्चालनमा ल्याइसकेको छ ।
