काठमाडाैँ । सप्तरीको सुरुङ्गा नगरपालिकाले सिँचाइ मिटरवापतको महसुल भुक्तानी गरेको छ । नगरपालिकाले नेपाल विद्युत् प्राधिकरण, बोदेबर्साइन वितरण केन्द्रलाई सम्पूर्ण किसानको सिँचाइ मिटरवापतको महसुल बुझाएको हो ।
नगरपालिकाले नगरपालिका अन्तर्गत दर्ता भएका करिब साढे ३ सय किसानको सिँचाइ मिटरको महसुल बुझाएको केन्द्र प्रमुख ई.संयोग विश्वकर्माले बताए ।
नगरपालिका अन्तर्गत छुटेका अन्य किसानहरूको पनि विवरण संकलन गरी दर्ता गराउने काम भइरहेको नगर प्रमुख गिता चाैधरीले बताइन् । छुटेका सबै किसानहरूलाई दर्ता गरेर आगामी आर्थिक वर्षभित्र सम्पूर्ण सिँचाइ मिटर वापतको महसुल नगरपालिकाले तिरिदिने पनि उनले जानकारी दिइन् ।
