काठमाडाैँ । राष्ट्रिय प्रसारण ग्रिड कम्पनी लिमिटेडको प्रमुख कार्यकारी अधिकृत (सीईओ) पदमा इञ्जिनियर सागर श्रेष्ठ नियुक्त भएका छन् । उनलाई ४ वर्षको कार्यकालका लागि नियुक्त गरिएको हो ।
७ जना उम्मेदवारमध्ये अन्तिम प्रस्तुति तथा अन्तर्वार्ताबाट छनोट गर्दै उनलाई कम्पनीको नेतृत्व सुम्पिएको हो । इञ्जिनियर श्रेष्ठ ऊर्जा क्षेत्रका अनुभवी व्यक्ति हुन् । उनले भारतको प्रतिष्ठित आईआईटी रुड़की विश्वविद्यालयबाट स्नातकोत्तर गरेका छन् ।
उनले नेपाल इञ्जिनियरिङ परिषद्को सञ्चालक समिति सदस्यको रूपमा सेवा गरिरहेका छन् भने नेपाल इञ्जिनियर्स संघका कार्यसमिति सदस्य समेत हुन् ।
