काठमाडौँ । भारतीय विद्युत मन्त्री मनोहरलाल खट्टरले २२० केभी कोशी कोरिडोर प्रसारण लाइनको उद्घाटन गर्न अस्विकार गरेका छन् । उनले भारत सरकारसँग आवश्यक समन्वय नगरी जर्बजस्ती उद्घाटन कार्यक्रम राखेको भन्दै उद्घाटन गर्न असहमति जनाएका हुन् ।
विद्युत् मन्त्री खट्टर आज बिहान मात्रै दुई दिने भ्रमणका लागि नेपाल आइपुगेका हुन् । ऊर्जा जलस्रोत तथा सिँचाइ मन्त्रालयका अनुसार आज उनको कोशी कोरिडोर उद्घाटन कार्यक्रम तय भएको थियो । संखुवासभाको तुम्लिङटारमा मंगलबार दिउँसो आयोजना गरिन लागेको उक्त उद्घाटन कार्यक्रम अचानक रद्द गरिएको हो ।
