काठमाडाैँ । नेपाल विद्युत् प्राधिकरणले १३२ केभी क्षमताकाे ढल्केबर–बालगंगा प्रसारण लाइनकाे तार तान्ने काम सुरू गरेकाे छ । प्राधिकरण यदुकुहा वितरण केन्द्रले प्रसारण लाइनको तार तान्ने कामका लागि केही दिन विद्युत् आपूर्ति अवरुद्ध हुने जनाएको छ ।
केन्द्रले सूचना जारी गर्दै नेपाल सरकार र प्राधिकरणको संयुक्त लगानीमा निर्माण भइरहेको ढल्केबर–बालगंगा १३२ केभी प्रसारण लाइन अन्तर्गत तार तान्ने कार्य गर्नुपर्ने भएकाले विद्युत् सेवा प्रभावित हुने जनाएको हो ।
सूचनाअनुसार २०८२ चैत १ गतेदेखि ४ गतेसम्म गते बिहान ९ बजेदेखि बेलुका ५ बजेसम्म ३३ केभी यदुकुहा फिडर तथा आवश्यकता अनुसार अन्य वितरण लाइनहरू पनि सटडाउन हुनेछ । यस कारण यदुकुहा वितरण केन्द्र अन्तर्गतका सम्पूर्ण क्षेत्रमा विद्युत् आपूर्ति अवरुद्ध हुन सक्ने प्राधिकरणले जनाएको छ ।
प्राधिकरणका अनुसार काम निर्धारित समयभन्दा अगाडि सम्पन्न भएमा विद्युत् आपूर्ति सोही अनुसार पुनः सञ्चालन गरिनेछ ।
