काठमाडाैँ । ऊर्जा, जलस्रोत तथा सिँचाइ मन्त्रालयले ‘सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३’ बमोजिम मातहतका विभिन्न निकायका पदाधिकारीहरू स्वतः पदमुक्त भएको जानकारी गराएको छ ।
मन्त्रालयले जारी गरेको सूचनाअनुसार अध्यादेशको दफा २ अनुसार उल्लेखित पदाधिकारीहरू पदमुक्त भएका हुन् । सूचना अनुसार विद्युत नियमन आयोगका अध्यक्ष डा. राम प्रसाद धितालसहित सदस्यहरू डा. मधुसुधन अधिकारी, डा. झमक प्रसाद शर्मा, गौतम डंगोल र भागिरथी भट्टराई ज्ञवाली पदमुक्त भएका छन् ।
त्यस्तै, नेपाल विद्युत प्राधिकरणका कार्यकारी निर्देशक हितेन्द्र देव शाक्य पनि पदमुक्त भएका छन् । साथै, प्राधिकरणको सञ्चालक समितिका सदस्यहरू रतन बहादुर ऐर, डा. बल बहादुर पराजुली, श्याम किशोर यादव र रोहित पौडेल पनि पदमुक्त भएको मन्त्रालयले जनाएको छ ।
मन्त्रालयका अनुसार अध्यादेश कार्यान्वयनमा आएसँगै सम्बन्धित निकायका यी सबै पदाधिकारीहरू स्वतः पदमुक्त भएका हुन् ।
