काठमाडौँ । नुवाकोटमा ११ मेगावाटको माथिल्लो तादी जलविद्युत् आयोजना निर्माण अन्तिम चरणमा पुर्याएको सूर्यकुण्ड हाइड्रो इलेक्ट्रिक कम्पनी लिमिटेडले प्राथमिक सेयर निष्कासन अनुमति पाएको छ । कम्पनीले विद्युत नियमन आयोगबाट यही बैशाख २३ गते अनुमति स्वीकृति पाएको हो ।
कम्पनीले १३ लाख ७९ हजार ३५० कित्ता बराबरको १३ करोड ७९ लाख ३५ हजार रुपैयाँको प्राथमिक सेयर निष्कासन गर्ने तयारी गरिरहेको जानकारी दिएको छ । १३ हजार ७५३ कित्ता कर्मचारी तथा कामदारका लागि, ३४ हजार ४८३ कित्ता म्युचयल फण्ड, ६८ हजार ९६७ कित्ता विदेशमा बस्ने नेपालीका लागि ६ लाख ८९ हजार ६७४ कित्ता आयोजना प्रभावित स्थानीयका लागि सेयर निष्कासन गर्ने तयारी गरिएको हो ।
सेयर निष्कासनका लागि कम्पनी र कुमारी क्यापिटलबिच यसअघि नै सम्झौता भएको छ । सेयर प्रत्याभूतिको जिम्मेवारी नेपाल एसबिआई क्यापिटले लिएको छ । आयोजनामा कुमारी बैंक लिमिटेडको अगुवाईमा नेपाल एसबिआई बैंकले ऋण लगानी छ । आयोजनाको निर्माण ७० प्रतिशत पूरा भइसकेको छ ।
