काठमाडौँ । सरकारले आगामी वर्ष (आव) विद्युत् जडित क्षमता ४ हजार ५०० मेगावाट पुर्याउने लक्ष्य लिएको छ । आव २०८१/८२ मा कुल विद्युत् जडित क्षमता ४५०० मेगावाट पुर्याउने लक्ष्य राखेको हो ।
मंगलबार संसदमा सरकारको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सरकारले आगामी आर्थिक वर्षको अन्त्यसम्म विद्युत् जडित क्षमता ४ हजार ५०० मेगावाट पुर्याउने बताए ।
निर्माणाधीन आयोजनालाई समयमै सम्पन्न गरेर विद्युत् उत्पादनको क्षमता बढाउने सरकारी योजना छ । अहिले विद्युत् जडित क्षमता करिब ३ हजार मेगावाट पुगेको छ ।
