काठमाडौँ । नलगाड हाइड्रो पावर कम्पनीका प्रमुख कार्यकारी अधिकृत प्रकाशबहादुर शाहीविरुद्ध अख्तियार दुरुपयोग अनुसन्धान आयेगमा उजुरी परेको छ । शाहीसँग अष्ट्रेलियन पिआर रहेको भन्दै आयोगमा उजुरी परेको हो ।
वैशाख ३१ गते प्रमुख कार्यकारी अधिकृतमा सिफारिस भएका शाहीविरुद्ध वैकल्पिक उम्मेद्वारमा सिफारिस भएका देवेन्द्र केसीले आयोगमा उजुरी दिएका हुन् । शाहीसँग अष्ट्रेलियाको पिआर रहेको विदेशी पिआरप्राप्त व्यक्ति सार्वजनिक पदमा बस्न नमिल्ने भन्दै केसीले उजुरी दिएको जनाइएका छ । यस्तै, शाहीसँग सो पदका लागि आवश्यक योग्यतासमेत नरहेको दर्ता गरिएको उजुरीमा उल्लेख छ ।
