काठमाडाैँ । चालु आर्थिक वर्षको ५ महिनाको अवधिमा साढे ४ हजार बढी विद्युतीय सवारी नेपाल आयात भएका छन् । चालू आर्थिक वर्ष २०८१/०८२ को साउनदेखि मंसिरसम्ममा ४ हजार ६९७ युनिट ४ पाङ्ग्रे सवारीसाधन भित्रिएका हुन् ।
भन्सार विभागले सार्वजनिक गरेको चालु आर्थिक वर्षको ५ महिनाको तथ्यांकअनुसार यस अवधिमा कार जिप र भ्यान गरी ११ अर्ब २७ करोड रुपैयाँ बराबरका विद्युतीय गाडी नेपाल भित्रिएका हुन् ।
गत आर्थिक २०८०/०८१ को यस अवधिमा ९ अर्ब १० करोड रुपैयाँ बराबरका ३ हजार ६८६ युनिट ईभी नेपाल भित्रिएका थिए । गत वर्षको साेही समयावधिको तुलनामा यस वर्षको आयात संख्या १ हजार ११ युनिटले बढी हो ।
