टिकाथलीमा जमिनबाट निस्कियाे आगोको ज्वाला

काठमाडाैँ । ललितपुरको टिकाथलीमा पानीका लागि बोरिङ गर्ने क्रममा आगोको ज्वाला निस्किएको छ । बोरिङको पाइप गाडेको स्थानबाटै आगोको ज्वाला दन्किरहेको हाे ।

स्थानीयले हिलो र पानी छ्यापेर आगो निभाउने प्रयास गरेपनि आगो निभेको छैन । टिकाथलीका स्थानीयहरूले बोरिङ खन्ने क्रममा ग्यास निस्किएको र त्यसमा आगो लागेको जानकारी दिए ।

एक स्थानीयका अनुसार करिब ९ सय फिट खनिसकेपछि आगोको ज्वाला निस्किएको हो ।