काठमाडाैँ । नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङका कार्यकालमा भएका तथा प्राधिकरणको वर्तमान अवस्था देखाउने गरी तयार पारिएको श्वेतपत्र सार्वजनिक भएको छ । कार्यकारी निर्देशक हितेन्द्रदेव शाक्यले तयार पारेको श्वेतपत्र आज (शुक्रबार) सार्वजनिक भएको हो ।
प्राधिकरणले बैशाख १६ गते नै श्वेतपत्र सार्वजनिक गर्ने तयारी गरेपनि प्राविधिक कारणले रोकिएको थियो ।
वित्तीय अपारदर्शिता र क्यासफ्लोबारे उठेका प्रश्नहरूलाई सम्बोधन गर्न प्राधिकरणले श्वेतपत्र जारी गरेकाे हाे । श्वेतपत्रमा घिसिङको कार्यकाल, देखाइएको नाफा, खर्चको वास्तविकता र प्राधिकरणको हालको आर्थिक अवस्था समेटिने छ ।
