काठमाडौँ । युनाइटेड मोदी हाइड्रो पावर लिमिटेडको वार्षिक साधारणसभा २०८३ बैंशाख २७ गते हुने भएको छ । कम्पनीले बोनस शेयर र नगद लाभांश वितरण गर्ने प्रस्ताव सहित साधारणसभा आह्वान गरेको हो ।
सभाले हाल कायम चुक्ता पूँजी १ अर्ब २३ करोड ५ लाख रुपैयाँको ७ प्रतिशत बोनस शेयर र सोको कर प्रयोजनार्थ ०.३६८४२ प्रतिशत नगद लाभांश वितरण गर्ने विशेष प्रस्ताव पारित गर्नेछ ।
यसका साथै, सभाले अन्य कम्पनीहरूमा लगानी गर्न सहज बनाउन होल्डि कम्पनीको रुपमा विकास गर्न कम्पनीको नाम परिवर्तन गर्ने, हकप्रद शेयर जारी गर्न र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, सञ्चालक समितिमा २ जना सञ्चालकको निर्वाचन गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ ।
