काठमाडाैँ । दोलखा जिल्लाको गाैरीशंकर गाउँपालिका-७, मा निर्माण गरिएको ३० मेगावाट क्षमताको खानी खोला (दोलखा) जलविद्युत आयोजना सफलतापूर्वक सम्पन्न (कमिसनिङ) भएको छ । साशा हाइड्रोपावर कम्पनीले निर्माण गरेकाे परियाेजनाकाे काम सम्पन्न भएकाे हाे ।
यस आयोजनामा गेपर्ट हाइड्रो इन्डिया प्राइभेट लिमिटेड (Geppert Hydro India Pvt. Ltd.) ले ‘इ-बप’ (E-BOP) इलेक्ट्रोमेकानिकल कन्ट्र्याक्टरको रूपमा जिम्मेवारी सफलतापूर्वक पूरा गरेको छ । समर्पण, टोलीगत कार्य (टिमवर्क) र ईन्जिनियरिङ उत्कृष्टताका कारण यो महत्वपूर्ण उपलब्धि हासिल भएको गेपर्ट हाइड्रोले जनाएकाे छ ।
आयोजनाको यो सफलतासँगै नेपालको जलविद्युत यात्रामा थप एक इँटा थपिएको छ र यसले नेपालको ऊर्जा क्षेत्रलाई थप टेवा पुर्याउने विश्वास गरिएको छ ।
