काठमाडौँ । छिमेकी राष्ट्र चीनको कूल विद्युत् जडित क्षमता १४.६ प्रतिशत बढेको छ । २०२५ मार्चको अन्त्यसम्म अर्थात २०८२ चैत्रको मध्यसम्ममा चीनको विद्युत् जडित क्षमता ३ अर्ब ४३ करोड किलोवाट अर्थात ३४ लाख ३० हजार मेगावाट पुगेको छ ।
जडित क्षमतामध्ये सौर्य ऊर्जाबाट मात्रै ९५ करोड किलोवाट अर्थात ९५ हजार मेगावाट उत्पादन भएको चीनको राष्ट्रिय ऊर्जा प्रशासनले जानकारी दिएको छ । यसैगरी, हावाबाट ५४ करोड किलोवाट अर्थात ५४ हजार मेगावाट ऊर्जा उत्पादन भएको छ ।
चीनले २०२५ को तीन महिनाको अवधिमा विद्युत् उत्पादन गर्न करिब १३२ अर्ब ३० करोड चिनियाँ मुद्रा लगानी गरेको छ । यसैगरी, प्रसारण लाइन निर्माणमा पनि ९५ अर्ब ६० करोड चिनियाँ मुद्रा लगानी गरेको जनाएको छ ।
