काठमाडाैँ । ललितपुरमा बिजुलीको पोलमा कार ठाेक्किएकाे छ । पाेलमा कार ठोक्कीदा तीन जना घाइते भएका छन् । सातदोबाटो–हात्तीवन ओरालोमा गएराति बा १५ च ७६५२ नम्बरको कार बिजुलीको पोलमा ठोक्किएको थियो ।
पोलमा कारको ठक्करबाट भाँचिएर बीच सडकमा पुगेपछि यातायात आवागमन नै बन्द गरिएको छ ।
११ हजार भोल्टको हाइटेन्सन तार टाँगिएको बिजुलीको पोल नै सडकको बीच भागमा रहेकाले सवारी आवागमन बन्द गरिएको हो ।
ललितपुर महानगरपालिकाका नगर प्रहरी, नेपाल विद्युत् प्राधिकरणका प्राविधिकहरुसमेतको सहयोगमा पोल हटाउने प्रयास जारी छ ।
ललितपुर प्रहरीका अनुसार मापसे गरी सवारी चलाउँदा कार दुर्घटना भएको हो । कारको अगाडिको भाग क्षतिग्रस्त भएको देखिन्छ । दुर्घटनाको प्रकृति हेर्दा कार तीव्र गतिमा भएको अनुमान गर्न सकिन्छ ।
