काठमाडाैँ । युनाइटेड मोदी हाइड्रो पावरले आफ्नो सेयरधनी सदस्यहरूका लागि लाभांश घोषणा गरेको छ । कम्पनीको सञ्चालक समितिले गत आर्थिक वर्षसम्मको सञ्चित नाफाबाट सेयरधनीलाई चुक्ता पूँजीको ७ प्रतिशत बोनस सेयर दिने निर्णय गरेको हाे ।
यसका साथै सो मा लाग्ने कर प्रयोजनका लागि ०.३६८४२ प्रतिशत नगद लाभांश दिने निर्णय पनि भएको छ । नगद लाभांश वितरण गर्न नियामक निकाय विद्युत् नियमन आयोग बाट स्वीकृति प्राप्त गर्नुपर्नेछ । स्वीकृति पाएपछि कम्पनीले साधारणसभा बोलाएर लाभांश वितरणको प्रक्रिया अघि बढाउनेछ ।
हाल कम्पनीको सेयर मूल्य प्रतिकित्ता करिब रु ६१३ मा कारोबार भइरहेको छ ।
