काठमाडाैँ । सुपरमाई हाइड्रो पावर लिमिटेडले बुकक्लोज गर्ने भएकाले आज लाभांश सुरक्षित गर्ने अन्तिम दिन रहेको छ । साधारण सभा तथा लाभांश वितरण प्रयोजनका लागि फागुन १३ गते बुकक्जाेल गर्ने भएकाे हाे ।
आजसम्म नेप्सेमा कारोबार भई कायम रहेका शेयरधनीहरूले कम्पनीको वार्षिक साधारण सभामा प्रस्तावित लाभांश प्राप्त गर्न सक्नेछन् । कम्पनीले फागुन १७ गते, आइतबार, बिहान १० बजे नक्सालस्थित लिसरा रिसेप्सन्स् प्रा.लि.मा एघारौँ वार्षिक साधारण सभा बोलाएको छ ।
सभामा हाल कायम चुक्ता पूँजीको २० प्रतिशत बोनस शेयर र कर प्रयोजनार्थ १.११ प्रतिशत नगद लाभांश वितरण गर्ने विशेष प्रस्ताव पारित गरिनेछ ।
यसैगरी, सभाले शतप्रतिशत हकप्रद शेयर निष्काशन गर्ने लगायतका प्रस्तावहरू पनि पारित गर्ने कार्यसूची रहेको कम्पनीले जनाएको छ ।
