काठमाडौँ । साल्ट ट्रेडिङ कर्पोरेशन लिमिटेडले विद्युत् उत्पादन बढीरहेको बेला खपत समेत बढाउनका लागि विद्युतीय चुलोसहितको इन्डक्सनबेस भाँडाँमा अफर ल्याएको छ । कम्पनीले बाल्ट्रा ब्राण्डसँगको सहकार्यमा चुलोसहित पकाउने भाडामा यस्तो अफर ल्याएको हो ।
अफरमा एउटा इन्डक्सन चुलो र बाल्ट्रा ब्राण्डको ५ थरी इन्डक्सनबेस भाँडाँकुडाँ रहेका कम्पनीका मिडीया प्रमुख ब्रजेश झाले बताए । १५ देखि २० हजार रुपैयाँ पर्ने कम्बाे सेटकाे मूल्य मात्र ९ हजार ५ सय रुपैयाँ रहेकाे छ । कम्बाे सेटमा विद्युतीय चुलो, ५ लिटरकाे कुकर, कराई, फ्राई पेन र ताप्के (चिया पकाउने भाँडाँ) रहेको छ । साथै, ३ लिटरकाे कुकर, इन्डकसन चुलाे र कराई सहितकाे अर्काे कम्बाे सेटकाे मूल्य भने ७ हजार ३५० रुपैयाँ मात्र रहेकाे छ ।
कम्पनीले पोखरा, काठमाडौँ लगायतका क्षेत्रमा करिब २ सय सेट बढी बिक्री वितरण गरीसकेको छ । कम्पनीले काठमाडौँको १० वटै आउटलेटबाट बिक्री गरिरहेको छ ।
कम्पनीले अहिले आम सर्वसाधारणलाई मध्यनजर गरेर नयाँ योजना ल्याएको छ । जसमा सहकारीमार्फत पनि यो सामानहरू खरिद गर्न सकिनेछ । सहकारी संस्थाहरूले आफ्ना ग्राहकहरूका लागि साल्ट ट्रेडिङबाट एकमुष्ट लगेर बिक्री वितरण गरिरहेका छन् । हालसम्म काठमाडौँको ५/६ वटा सहकारीले बिक्री गरिरहेको जनाइएको छ ।
