काठमाडाैँ । लगानी बोर्डले ४५० मेगावाट क्षमताको सेती नदी–६ अर्ध जलाशययुक्त परियोजनाको विस्तृत परियोजना प्रतिवेदन (डीपीआर) तथा वातावरणीय अध्ययनका लागि सर्वेक्षण अनुमतिपत्रको अवधि एक वर्ष थपेको छ । प्रधानमन्त्री केपी शर्मा ओलीको अध्यक्षतामा बुधबार बसेको लगानी बोर्डको बैठकले समय थप गरेकाे हाे ।
बोर्डमार्फत कार्यान्वयन गरिने परियोजनाको प्राथमिकीकरण गर्न एवं परियोजनाको सूची तयार गरी बोर्डसमक्ष पेस गर्न अर्थमन्त्री विष्णु पौडेलको संयोजकत्वमा सार्वजनिक–निजी साझेदारी परियोजना प्राथमिकीकरण समिति गठन गर्ने निर्णय पनि गरिएको बोर्डले जारी गरेको विज्ञप्तिमा उल्लेख छ ।
प्रस्तावित आयोजना सदुरपश्चिम प्रदेशको अछाम तथा डोटी जिल्लामा पहिचान भएको हो ।
