काठमाडाैँ । याम्बालिङ्ग हाइड्रो पावर लिमिटेडले सर्वसाधारणका लागि शेयर निष्काशन (आईपीओ) खुला गर्ने भएको छ । कम्पनीले वैशाख १६ गतेदेखि शेयर जारी गर्न लागेकाे हाे ।
कम्पनीले आयोजना प्रभावित स्थानीय बासिन्दा र वैदेशिक रोजगारीमा रहेका नेपालीहरूका लागि छुट्याइएको सेयर बाँडफाँट गरिसकेपछि अब दोस्रो चरणमा सर्वसाधारण लगानीकर्तालाई आईपीओ निष्काशन गर्न लागेको हो ।
कम्पनीले सर्वसाधारणका लागि १७ करोड ४३ लाख रुपैयाँबराबरको १७ लाख ४३ हजार कित्ता साधारण सेयर निष्काशन गर्न लागेको हो ।
कम्पनीले २८ लाख कित्ता सेयर निष्काशन गर्ने अनुमति प्राप्त भएको थियो । जसमध्ये ७ लाख कित्ता स्थानीय बासिन्दा र २ लाख १० हजार कित्ता विदेशमा रहेका नेपालीहरूका लागि वितरण भइसकेको छ। साथै, सामूहिक लगानी कोषका लागि १ लाख ५ हजार कित्ता र कर्मचारीका लागि ४२ हजार कित्ता सेयर छुट्याएर बाँडफाँट गरिएको छ ।
सर्वसाधारण लगानीकर्ताले न्यूनतम १० कित्तादेखि अधिकतम २१ हजार कित्तासम्म आवेदन दिन सक्नेछन् । छिटोमा वैशाख २२ गते र ढिलोमा वैशाख ३० गतेसम्म आवेदन खुला रहनेछ । आईपीओको निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ ।
कम्पनीले ७.२७ मेगावाट क्षमताको याम्बालिङ्ग खोला जलविद्युत आयोजना सञ्चालन गरिरहेकाे छ ।
