काठमाडाैँ । नेपाल विद्युत् प्राधिकरण, तालिम व्यवस्थापन विभागको आयोजनामा भोटेकोशी–त्रिशूली विपद्बाट प्रभावित तथा खोज र उद्धार कार्यमा खटिएका कर्मचारीहरूका लागि दोस्रो चरणको ‘Post-Disaster Trauma Relief and Stress Management’ कार्यक्रम सफलतापूर्वक सम्पन्न भएको छ ।
प्राधिकरणको इन्जिनियरिङ सेवा निर्देशनालय, तालिम व्यवस्थापन विभागले भदाै १० गतेको भोटेकोशी–त्रिशूली विपद् प्रभावित तथा प्रत्यक्ष/अप्रत्यक्ष रूपमा उद्धार कार्यमा खटिएका कर्मचारीहरूका लागि ३ दिने आवासीय तालिम सञ्चालन गरिएको हो । यसअघि विभागले सम्बन्धीत कार्यालयहरूबाट बढीमा ३० जना कर्मचारीहरूलाई प्राथमिकता दिई मनोनयन गरी पठाउन निर्देशन दिएको थियो ।
विपद्को कठिन परिस्थिति र त्यसले सिर्जना गरेको मानसिक तनाबबाट कर्मचारीहरूलाई बाहिर ल्याउन तथा उनीहरूको मानसिक स्वास्थ्यलाई सबल बनाउन यो तालिम निकै महत्वपूर्ण साबित भएको छ । उक्त कार्यक्रम सफलतापूर्वक सञ्चालन गर्न सहकार्य तथा सहजीकरण गर्नुहुने आर्ट अफ लिभिङ नेपाल (The Art of Living) परिवारप्रति नेपाल विद्युत् प्राधिकरणले हार्दिक आभार व्यक्त गरेको छ ।
